رحـــلــــت الـــمـــوت

السلام عليكم جميعا


ياالهي لك مصير البشر ولـك المـآل
ماعبدنا غير وجهك ولاغيرك قـوي
غير مدك ماطلبنا ولاغيـرك يسـال
عالم غيب الليالي وش اللـي تحتـوي
لك جنان الخلد يجري بها الماء الزلال
فرحة الطائع وقـرة عيـونٍ للسـوي
كل مااذكر رحلة الموت والقبر الهيال
واتذكر ماكسبنا علـى درب الغـوي
واتذكر قبضة الروح وفراق العيـال
وانقطاعي عن هلي والجماعه والخوي
والظلام وحشة القبر من ضيق وسؤال
اتنهت والمحاجـر تجـف وترتـوي
يوم لاينفع وجاهـه ولافيهـا مجـال
لاش فزعه نحتزيها ولافيـه حمـوي
غير ميزان العمل للحـرام وللحـلال
ياجنان الخلد والا على الراس نهـوي
يالله اني طالبـك فالنعيـم وفالظـلال
واتعوذبك من النـار والحـظ اللـوي
طالبك دمح الخطايا وستران الخمـال
ماش عبدٍ ماسلك له طريـقٍ ملتـوي
لاتسلمني كتابـي وأشيلـه بالشمـال
في رجارحمتك ياسايق المزن الروي
طالبك رفقة محمدوأبو بكـر وبـلال
رفقة تنجابها النفس وأزكى مطـروي
يامقدر مابقى لي مـن أيـام وليـال
نيتي في طاعتك لاتغيـر لـي نـوي
كل يوم يفوت يعلن من العمر ارتحال
والسنين تمر والوقت يطوينـا طـوي
ماسلكت الا طريق الهدى والاعتـدال
خايفٍ بطشك نهار الصراط المستوي
لو الي فالفهلوه باع وحبـالٍ طـوال
ينقطع في سكرة الموت حبل الفهلوي
ماينجيني سوى رحمتك ياذا الجـلال
لورصيدي فالمحافظ رصيد الدهلـوي

مشكوووور يا مان على الكلمات الجميله

تحياتى لك

وفى انتظار المزيد