مدام الحزن لازمني فتحت بليلي ديوانـي
قمر ليلي يراقبني و أنا الأحزان عنواني
بغيت اللي يساعدني حبيبي ما بي ينسانـي
كفنوني يعل شوقي اختفى في داخل أكفاني
أخاف بدنيتي يرحل و ناسي تقول خلاني
مدام الدمع شاريني بيعوني مع اثـــماني
حبيبي لازم أوقاتي و حتى بنومتي جانـي
يجيني دوم باحلامي بنص الليل وعـــاني
يكلمني و يدق مسكول مدري شلون خاواني ؟
سلب عقلي من راسي ربكني و رج ميزاني
بخيل و ما قدر يعطي و أعاني منه حرمـاني
تركني تايه و محتار و حتى دمعــتي تــعاني
تعود حيرتي ساكت و لا في حزنــي واساني
أنا في الحب له صابر رضيت بقسوة أزماني
يظن الحزن ضعفني ترى حزني اللي قوانـي
تعبت القلب يا خلي و كسرت بحبي جنحاني
أنا لوتهت عن حزني رجع حزني و نادانـي
الغرام بحبنا ضايع مدامك في الهوا جاني
تظن بعمري دايم لك صدقني العمر فاني ؟
أفكر في الهوا أرحل و أقفل عــنه بـيـباني
أنا في دنيتي تعبان و من في دمعي سلاني
تعيف القلب يا قاسي بعد ما كنت أوطاني ؟
متى بتحس بجروحي متى في حبي ترعاني ؟
دفنت بدنيتي روحي خطفت سروري و الـــواني
ضميري حس و توعى وضميرك نام و صحاني
صدق من قال لي في يوم أسيرة حبي سمانـي
قالوا لي أصد و أرحـل أبــد ما كــان يســواني
جرح قلبي و تــــعبني و لـــيته بــس داوانـــي