قالت انتَ فلان حلفتك تقول
قلت أنا أول تقولين اشتبين ؟
قالت آنا اللى سألتك والاصول
إنك اتجاوب فقط ابكلمتين
الرقم مضبوط لا تصول وتجول
يمكن الصوت متغير حبتين
قلت أنا طبع ٍ لى يا بنيه ملول
سكري الهاتف رجا لو تسمحين
قالت اشدعوه وراك إنت عجول
قلت أنا يا بنيه مانى اللي تبين
أنتَ ليش تخاف أنا ماني غول
عطني اسمك بس، ليش انتَ لعين
التعارف يا بنيه بالقبول
ما يصير ارفض وانتي تغصبين
شوفي واحد لون عينه امعسول
في مثل عمرك على ما تشتهين
أنا متزوج ولا عندي بطول
و العمر يا بنيّه فوق الاربعين
ما أبى ادخل في قصة قال وقول
هالأمر عندى أنا عيب ومشين
قالت ادري يا كبيرين العقول
لا بغيتوا الشي يصبح كله زين
هالتمنع أرجو إنه لا يطول
هم ترى حنا لنا عقلٍ فطين
قلت أنا نجمي توجه للافول
و أنتي بدرٍ في السما اتنورين
أنتي عمرك اعتقد عشرين حول
أركدي يا بنتي لا تستعجلين
كلٍ يحصل مقاديره وينول
أنطري ولزم ٍ يجيلك خاطبين
من كلامك قالت اشعر بخمول
يا نحس طبعك عنيد وما تلين
يعني تحسبني اصدق يا خجول
إنك أنتَ كامل اخلاقٍ ودين
أنتَ من صوتك عرفت إنك كسول
شايبٍ عايب على عكازتين
القراده عرفتني بمهبول
يرفس النعمه ولا ترمش له عين
سكرت الخط حمقانه زُعول
ما عجبها الرد مع فرق السنين
كنت اظن اللى حصل صعب الحصول
ليما شفته يالربع حق ويقين
يا الله يا ربي عسى دايم تحول
بين عبدك والمساوي يا معين
موضوع: معاكسه تلفونيه .... شعر.. 
السبت ديسمبر 29, 2007 1:19 am