امثال شعبيه

طبعا العرب وخصوصا المصريين معروفين بأمثالهم الشعبيه والتى جأت عن خبره سنين

لذلك انا جبتلكم 100 شعبى ويارب الموضوع يعجبكم

1-الإبرة إللى فيها خيطين ماتخيطش
تعليق / المثل قريب من المركب اللى فيها ريسين تغرق
2- إرميه البحر يطلع فى بقه سمكة
3-إللى عاوز تحيره خيره
4- إللى قرصه الثعبان يخاف من الحبل
5-إللى يربط فى رقبته حبل ألف من يسحبه ( يجره )
6- إدينى عمر وارمينى البحر
7- إش ياخد الريح.ن البلاط
8- إللى على راسه بطحة يحسس عليها
9- ابعد عن الشر وغنى له
10- الكتكوت الفصيح من البيضة يصيح
11- إللى حبه ربه واختاره جاب له حاجته لعند داره
12- قيراط ملك ولا فدان شرك
13- قال يا جحا فين بلدك قال إللى فيها مراتى ومفيهاش حماتى
14- إمشى عدل يحتار عدوك فيك وإمشى عوج يحتار صديقك فيك
15- مش كل مرة تسلم الجرة
16- لف سنة ولا تخطى قنا
17- يخاف من الخنفسة ويلعب بالثعبان
18- كل ما يعجبك والبس ما يعجب الناس
19- يادى الشيلة يادى الحطة روحت على جمل وجيت على قطة
تعليق / مثل من قبيل التهكم
20-اللوح قال للمسمار إنت فلقتنى , قال المسمار لو كنت تعرف الدق إللى فوق
دماغى كنت عذرتنى
21- خد الأصيلة ولو كانت على الحصيرة
22- ما يغرك رخصه هاترمى نصه
23- خنفسة شافت ولادها ع الحيط قالت دا لولى ملضوم فى خيط
24- زى المش كل ساعة بوش
25- الغايب مالوش نايب
26-الفاضى يعمل قاضى
27- بصلة المحب خروف
28- الحلو ما يكملش
29- جه يكحلها عماها
30- طول مابن آدم حَىّ رزقه جَىّ
31-مطرح ما ترسى دق لها
32- الضمانة أولها شهامة وآخرها غرامة
33- قول فى وشه ولا تغشه
34- إللى ملوش خير فى أهله ملوش خير فى الناس
35-الرجل تدب مطرح ما تحب
36- الصيت ولا الغنى
37- العبد فى التفكير والرب فى التدبير
38- العرق يمد لسابع جد
39- العين بصيرة والايد قصيرة
40- بيع الجمال واشترى خفة الجمال كتيير بس الخفيف صدفة
41- وقت القصعة نبقى تسعة ووقت الحاجة نبقى وحادى
42- إللى من دمى ما يخلى من همى
43- إللى يسعدها زمانها تجييب بناتها قبل صبيانها
44- إكنس بيتك ورشه ما تعرف مين يخشه
45-المال السايب يعلم السرقة
46- ابن الوز عوام
47- باب النجار مخلع
48- حبيبك يمضغ لك الزلطوعدوك يتمنى لك الغلط
العروسة للعريس والجرى للمتاعيس
49- إن عيط ابنك عيط معه ما تعرف إللى بيوجعه
50- إن خوفت ما تقولش وإن قولت ما تخافش
51- إللى يخاف من العرسة ما يربيش كتاكيت
52- إللى يبيع يغتنى سنة واللى يشترى يفتقر سنة
53- قالوا للكاتب استريح قام وقف
تعليق / أى إن الراحة تكون حسب أحوال الشخص
54-إللى يعمل إيده مغرفه يصبر على ضرب الحلل
55- قال له نام لما ادبحك قاله دا شئ يطير النوم
56- إن اصطلح القط والفار خرب دكان البقال
57- من كتر خطابها بارت
58- طمعنجى بنا له بيت فلسنجى سكن له فيه
59- إللى تخاف منه ما يجيش أحسن منه
60- يا قاعدين يكفيكوا شر الجايين
61- إن عشقت اعشق قمر
من بره هالله هالله ومن جوه يعلم الله
62- الجواب ينقرى من عنوانه
63- يا واكل قوتى يا ناوى على موتى
64- إللى ما لوش شغله تشغله يفتح الباب ويقفله
65- الله يخليكى يا شدة يا لى بينتى دا من دا
66- عمر العدو ما يبقى حبيب وعمر شجرة التين ما تطرح زبيب
67- يا فاحت البير ومغطيه لا بد من وقوعك فيه
68- أن غاب القط العب يا فار
69- علشان الورد ينسقى العليق
67- كل فوله ولها كيال
68- السلف تلف والرد خسارة
69- البيت بيت ابونا والغرب يطردونا
70- نايم فى المية وخايف من المطر
71- قال يا جحا عد أمواج البحر قال الجايات اكتر من الرايحات
72- الجار جار ولو جار
73- تموت الحداية وعينها فى الصيد
74- بعد العيد ما يتفتلش كحك
75- لا تعايرنى ولا أعايرك دا الهم طايلنى وطايلك
76- إصرف ما فى الجيب يأتيك ما فى الغيب
77- قد النملة ويعمل عملة
78- قليل البخت يلاقى العضم والكرشة
79- إللى يجى فى الريش بقشيش
80- إللى يعمل نفسه ردة تنكشه الفراخ
81- إن كان لك صديق وبدك تبقيه لا تاخد منه ولا تديه
82- البنت ضرة أمها
83- دخانك عمانى وطعامك ما جانى
84- خدوا فالكم من عيالكم
85- لا تذم ولا تشكر إلا بعد سنة وست أشهر
86- إفتكرناك يا ضيف خفيّف , لقيناك يا ضيف تشتى وتصيّف
87- زى الطبل صوت عالى وجوف خالى
88- اللي اختشوا ماتوا
89- تيجي تصيده يصيدك
90- ضربتين في الراس توجع
91- ما شتمك ألا اللي بلغك
92- ما ينوب المخلص إلا تقطيع هدومه
93- ميه من تحت تبن
94- عمر الشقي بقي
95- يسرق الكحل من العين
96- الكدب مالوش رجلين
97- كلمة يا ريت ما تعمر بيت
98- لا منه ولا كفاية شره
99- اللي في الحلة تطلعه المغرفة
100- يشتمني في زفة ويصالحني في عطفة

متشكرين الفارس المصرى على الامثال الحلوة دى اللى مافيش منتديات كتير بتعمل كدة

ومزيد من التقدم

مشكور يامان على الامثال الشعبيه وعقبال كده متجبلنا الاغانى الشعبيه

ايه يا معلم كنج انت جاى فرح ولا ايه

ههههههههههههههههههههههههه
ماشى يا كنج انت تؤمر

العفو يا طيب

والله مرورك نور الدنيا

تحياتى ليك

ايه الامثال دى بس يلا هنعديها المرادى

شكرا يا جميل على المرور ده بس بلاش زحمه والنبى

امثال جميلة

يعطيك العافية اخي الغالي
وتقبل مروري المتواضع ولك تحياااااااااااتي

اشكرك على الامثال الجميلة جبت منها القديم والجديد والى نسيناة انت فكرتنا بية ورجعتلنا الزاكرة كشكوووووووووووووووووووووور

العفو اختى احلام
وانا اللى المروفض اشكرك على مرورك العطر

ارجو الا تحرمينا منه

تحياتى لكى

العفو اخى معيد .. امثلنا جزء منا ومن تاريخنا وتاجارب لمن سبقونا لابد ان نستفيد منها

تحياتى لك على مرورك