حبيبي .. اهنيك ..انت الحاصل ع لقب " اول سارق لقلبي المص

مدري ان كان حبيبي يفكر فيني ولا ناسيني
مدري ان زعله غيابي ولا عادي
مدري ان كان ممشي الحال ومو حاط لي اعتبار ولا شي
مدري ان كان وده يلقاني او انه راح عشاني
ولا مأدي الفريضة وراجع وما بباله شي
مدري اذا هو متعذب مثلي او مرتاح البال

حبيبي عذبتني..ما انت معطني جواب ولا شي
قسم بالله اني اما اعتقد يقدر يصبر مثل ما صبرت ولا حي
تعب والله تعب قلبي وهو ينتظرك ولو شوي
تعال وشوف حالي من دونك وبعدها لا تجي
لان اكيد انك ماراح تخليني بعد ما تشوفني
ماراح تفارقني ولو ثواني
الا اذا كان قلبك حجر قاسي
وانا ما اظن ان قلبك بهالصفات
ادري بك حبيبي حنون.. وقلبك صافي
بس ايش اسوي .. الفراق معذبني
والنوم مهاجرني..من يوم فارقت عيني
ايش اسوي قل لي...

تدري
اني انتظر جيتك من بعيد الزماني
واحين تجي تصدمني .. وتقل لي مقدر ظروفي!
اي ظروف اللي تخليك تبعد عن قلبك الثاني؟
حبيبي .. ان كان الشوق ينباع ويشتري
كان شريت لك من الشوق طن وارسلته
لعلك بس تحس باللي فيني

حبيبي.. ارجاك رد لي ولو بعض عقلي
انت داري ولا مو داري
تدري انك سرقته قبل لا ارجع بلادي

تذكر يوم انك تناظرني
تذكر يوم انك تكلمني
تذكر...؟
تراني والله ما نسيت لحظة قضيتها معك ولو ثواني
كل نظرة كل كلمة كل همسة كانت لي او لغيري
اذكرها ومحفوظة بكتاب ذكرياتي
كل ما افتحه القا نظراتك .. كلماتك .. ضحكاتك ويفرح قلبي
انسى همومي..جروحي ..كل اللي حصل لي
كل ما افتح صفحة .. واراجع نفسي
اقول يمكن نسيت كلمة او حرف قلته لي
الاقي نفسي حافظة كل شي
تصور اني حافظة كل اللي جا منك اكثر من اسمي
لان يوم انهم يسألوني عن اسمي
احيانا انسى وبعدها اتذكر ثاني
اما انت وكلامك واللي جا منك
اتحدى العالم لو انهم يسألوني عنهم
وما يلاقون الجواب الكافي

حبيبي ارحم حالي
صرت ادرس صفحاتك اكثر من دروسي
تخيل كل ما جيت ادرس وتطري ع بالي
اغلق الكتاب وافتح كتاب ذكرياتي
حتى بامتحاناتي
صرت احيانا اخطي
اقوم اكتب كلامك بدل دروسي

تصور..
يوم انهم يسألوني عن اسمي
وانت ع البال طاري
صرت اقول اسمك بدل اسمي
صرت انت كل شي
صرت انت عالمي الثاني
من احزن الجا لعالمك لاجل انسى احزاني
من افرح ابشرك لاجل تفرح عشاني
حبيبي .. خلاص انت امتلكتني
حبيبي .. اهنيك .. سرقت قلبي
صرت اول سارق لقلبي المصوني

انت تدري ايش قلبي ؟
انت تدري ايش محتواي؟
انت تدري انه ياكثر من تحدوني؟
لاجل بس اهديهم جزء من قلبي!
بس لحسن حظك يا حبيبي
انك انت من امتلكته كامل بدون نقصان
ايه انت يا قلبي
انت يا بعد كل عمري

مشكوووور يا غالى على الكلمات الجميله

تحياتى لك

وفى انتظار المزيد