دلعونا و دلعونا حبيبي مـدري شلــونه
البارح دق له قلبي كاني نظرت عيونه
شفته بمنامي يناظر عيوني بشوق يحاكونه
يا ليته خفف حزني يــوم عــيوني يــلاقــونه
حبيبي مدري وش فيه ضيع قلبي بــدونـه
رجيت اللي يعرفونه لو زعلان يراضونه
و ان كان بحبي مجروح يهدأونه و يضمونه
قولوا له إني برحل و حزنه عــني يــكـتمونه
برحل ما ابي أشوفه أخاف تذلني عــيــونه
قولوا له عني تعبان و قلبي صعبة يردونه
ادري إنه مو مهتم لو زاد بقــلبي طــعونه
ما دامه مو فاكرني اصحوا فيني تذكرونه
أخاف يدق لي قلبه و بذكــراي توجعــونه
أدري به يكتم حزنه خايف يوم تذبحونه
بغيابي يمكن يــنذل و فـــوق الـــذل تــذلــونه ؟
مو ممكن ارضى يقاسي قلبي و روحي يحبونه
أمنته الله برحــل بــس بغــيابي يــذ َكرونه
لو يطلب يسمع صوتي منعوه و لا تخلونه
وصفوني له بغــيابي علــكم عــني تــواسونه
و ان شفتوا دمعه بعينه تسكتونه و تراعونه
لو كان بجد يحبني يا ربـي تكــون بــعونه
موتي عنه فرقني و ماظن قلبي يرجعونـه
لو قلبه ينزف لحظــة لو بدموعــه يحرقــونه
ما اظن قلبي يرجع له هالشي عني تخبرونه
لو دقت قلبه الذكرى عن ذكـراي تبعــدونه
ولو قرب صوتي اذنه نغمة صوتي تنسونه
قولوا له اني راجع كذبوا بس تصبرونه
لو يسأل عني لحظة بموتي لا تخــبرونه
نوموا بعيونه شوقه و عيوني بنومه يجونه
قولوا له قلبي يذكره عشان تخــف شجــونه
خلوه يسولف عني عشـــان تــغــط جــفونه
قولوا له راجع بعدين عيوني و قلبي يبونـه