قصة حب أخرها الموت

قصة حب أخرها الموت
وأنا قــــــاعد في غيطي أسقى الأرض وارويها
وأقول لنفسي حكــــايات عن هـــــــالة وارويها
عدت عليا هالة سمعت صوت خلخالها وعناديها
طـــار قلبي منى قولتله رايح فين قاللى عنديها
أقولهــــا اسمعي دقــــــــــاتى واياكى تعانديها
دانتى ملاك احلامى اللى كنت انــــاديهـــــــــا
نفسى اسمع كلمة واحدة من قلـبــك تقوليهــــــا
قوليلــــى بحبـــــــــك بسرعة قوليهــــــــــــــا
قــــــــالتلى والله بحبك لكن بينا مـــارد جبـــار
مــــــارد همة تبقى الدنيــــا قدامه شعلة نــــار
مــــــــــــارد موت كتير وقلع الاشجـــــــــــار
فـــــــــاكر اسمه ولا نسيت يا محمدين التـــار
بينـــــــــا وبينكم بحور مليــــــــانة كلهــــا دم
أيـــــــــــام كئيبة حزينة فيهـــــــا الخراب عم
لا مــــــوقر صـــــــــــاحب ولا حبيب ولا عم
انســــــــانى يـــا محمدين ومتذودش عليا الهم
مشيت وســــــــــــابتنى والدمع ع الخــــــدين
وبعد ســــــــاعتين شفت ناس كتيرة جـــــايين
طلعوا الحكومة ومعــــــاهم نـــــاس تــــانيين
قــــــــالولى انت ميـــن قولتلــــــــهم محمدين
قـــــــال الضــــــابط خدوه قولت انا على فين
قـــــــــالى متهم بقتل الشيخ سمــــــــــــاعين
قولتله هو انقتل قــــــــالى من ســــــــــاعتين
انت من ســـــــــاعتين كنت قــــــــــاعد فين
قولت انـــــا فى غيطى قالى طـــــاب مع مين
سكت انـــــــا عن الكلام والدمع مـــالى العين
خدونــــــى مــــن ايدى وفــى السجن حطونى
قولتلهم مظلــــوم يــــــانـــــــــاس اسمعونى
قـــــــاعد انــــا فى غيطى بتكلــم مع شجونى
يســـــــــــالونى مع مين تبكى انــــــا عيونى
قعدت فى السجن شهر وشوية من الايــــــــام
مستنى حكم القـــــــاضى وعنيا مــــا بتنـــام
وجــــــه يوم الحكم ووعدت الايـــــــــــــــام
قـــال الحـــــــاجب محكمة ودخلت الحكــــام
بص عليـــــــا كبيرهم وقــــالى حكم بالاعدام
صرخة بـــاعلى صوت صرخة واحد خـــايف
مش خايف من الموت دا الموت دا شئ هـايف
دا مــن فــراق الحبيب قلــبى انــا خـــــــايف
قدامى حـــل من اتنين المــــوت ولا المــــوت
احفــــر قبـــرى بـــــايدى ولا حبيبى يمـــوت
لو قلت ســــــــاعة الحـــــــادث دا والمـــوت
هــــــالة كــــانت معاى بيحكموا عليها بالموت
اه يـــــــا زمـــــــان غدار فيه الزمـــــام انحل
خلـــى الجدع وطـــى والعـــــدل فيه انـــــــزل
سبحـــــــانة لا اعتراض على كــــل ما يحصل
سبحــــانه هـــو القوى المولى عــز وجـــل
جه يوم الاعدام وقــــــالى الشيخ اتشـــــاهد
قولتله يعنى أموت ظلم وربنــــــا شــــــاهد
شـــاهد على الظـــالم وانا من الدنيا بتــاخد
يـــا ربنــــــا احميني يـــا رب يـــــــا واحد
جـــاني عشمــــاوى وقـالي الدنيا ما تسواش
ودع احـــــــــــلامك وانسى كــــــــل الناس
يله بقى اتشــــــــــاهد وودع الاحســــــاس
غمى انــــــــــــــا عنيا مش شايف ذرة نور
خلاص اسيب هـــــــــــالة واروح انا للحور
والله عندى هــــــالة بكل بنـــــــــات الحور
صرخ عشمـــــاوى وقـــــــال وحدوا الواحد
بدا يعد ..... ثلاتة ........اتنين...........واحد
ضغط الزرار خـــــلاص مبقــاش نفس واحد

لا حول ولا قوه الا بالله الكلمات جميله بس القصه حزينه

تحياتى لك على النقل المميز